情人節2020小心中伏！情人節必避愛情電影推介《心跳500天》結局男女朋友分手收場？

　　情人節是一個浪漫的節日，不少男女朋友都會看愛情電影應節，享受二人世界！不過看還看，編輯都要提醒大家，有些愛情電影，如《心跳500天》這種，情侶真是「碰不得」！ 講分手、講心淡、講愛情幾薄弱，情人節最好「敬而遠之」。無論是有情人的你，還是一早看淡愛情的你，以下的情人節「必避」愛情電影推介相信都能滿足你的好奇心吧！

　　情人節必「避」電影推介：《無痛失戀》Eternal Sunshine of the Spotless Mind

　　睇到戲名有關失戀都知道唔掂得？唔止咁簡單，電影故事講失戀嘅主角為咗忘記同前女友幸福但折磨人嘅回憶，決心接受洗腦手術，但手術中途慢慢發現唔想失去呢刻珍貴嘅歷程，可惜已經為時已晚！

　　諗下情人節同而家嘅另一半睇，你同佢諗起前度幾唔好意思？唔覺意細味到愛情嘅無奈同哀愁都唔應節啦！

　　情人節必「避」電影推介：《觸不到的她》Her

　　有關愛情，「觸不到」都已經好Hurt啦，呢套仲系將孤獨感拍到極致嘅電影。故事講失婚嘅男主角失唔出情傷，日復日過行尸走肉的營役生活，偶然戀上「人工智能」助手，同一把女聲發生感情，最后駭然發現唔止感情「唔真實」，連帶以為獨一無二嘅「戀人」都唔真實。

　　電影帶出愛情甜得虐心又令人痛得揪心嘅現實，睇完個心Up一排都似。

　　電影好多畫面都令觀眾感同身受主角嘅孤獨感，倒模生活配上冷冰冰嘅情感，加上唔系個個都有真命天子天女嘅真相，真實得恐怖，邊個要同另一半喺情人節體會愛情同生活嘅虛幻呢？

　　情人節必「避」電影推介：《有人喜歡藍》Blue Valentine

　　最燦爛嘅感情總會被現實磨蝕。如果想同另一半開心過節，呢套電影真系絕對唔巖睇。男女主角喺最青春自我嘅時候相遇相愛，結婚生子后卻被現實愈拉愈遠，甚至將方「當初嘅美好」變成缺點，連場爭執將曾經火熱的愛情燒成灰，就算再次記起如何相愛，亦未能回到最初的起點。

　　天生帶有抑郁感嘅男主角Ryan Rosling於戲中多場求老婆回心轉意嘅場口都令人痛心。

　　Michelle Williams嘅內心掙扎同樣折磨觀眾，如果生活令你唔能夠再愛你好愛嘅人，要去怪現實，定系怪愛情曾經留下太大光環？情人節睇完即反思關系或者對婚姻卻步，點搞？

　　情人節必「避」電影推介：《失蹤罪》Gone Girl

　　（劇透慎入）呢套雖然唔系主打愛情幾薄弱，不過講婚姻信唔過都算，最大鑊講到娶錯人可能咁就一世！

　　男主角于片中偷食背叛婚姻，老婆就設局屈佢殺死自己，搞到佢一身蟻，最后仲出盡計謀搞大自己個肚，再番男主角身邊，令對方焗住同機關算盡嘅人做人世。男友情人節睇完，會唔會伸女友一腳架？

　　情人節必「避」電影推介：《光豬舞壯士》Magic Mike

　　唔系只系失戀戲唔巖情侶睇架，呢套有荷里活男神Channing Tatum做「脫衣舞男」嘅電影都唔巖一對小情人睇！

　　想像下女友全程目光集中于一眾型男剝光豬跳舞場面，仲要Channing有樣有身材，有情話又有誘人舞技，搞到女友于男友身邊，對另一男士有瘕想，又或者埋怨男友Package唔掂，咁就唔好啦！

　　情人節必「避」電影推介：《誘心人》Closer

　　呢套系Jude Law顏值巔峰時期作品，但情人節都系不宜觀看。電影講四個男女錯綜復雜嘅關系，當中嘅癡纏同背叛赤裸得過份，唔難動搖觀眾對愛情嘅憧憬。

　　故事講Jude Law撻著Natalie Portman，熱情退去后偷食，女友同時與后生仔互相試探同親近，四人于不安份嘅愛情關系中摸索而又互相傷害。

　　最后可能得出「閉起雙眼你最掛念誰，眼睛張開身邊竟是誰」嘅結局，令人對愛情嘅無奈又愛又恨。

　　情人節必「避」電影推介：《心跳500天》500 Days of Summer

　　情人節唔少人都想同另一半冧住過，呢部電影系有冧位，但出事位更多，事關當中太多戀愛二三事，你同我都有機會經歷過，因為太貼近，所以更傷感！電影講男主角撻著開朗女孩，對愛情大有期許，惟二人最終都由熱戀時濃情化不開，走到分手收場。男方走唔出情變之際，女方就已經有完滿新戀情，曾經相愛嘅，最后僅成過客。

　　分手系令人傷感，電影中二人睇落系因為旁人眼中嘅瑣碎事而導致情變，但事實系人人都可能經歷過嘅性格問題，連主角Joseph Gordon-Levitt都為「女友」最后火速有新仔護航，表示男主角只睇到自己想要嘅愛情，無法接受現實。

　　電影中二人分享心愛音樂又拍拖行IKEA嘅場面，幾乎對對情侶都做過，想要同另一半共通情感同規劃未來。又有邊個想同另一半睇到，好似佢哋咁貼地相愛嘅人，最終成為僅僅擦身而過嘅人？