萬千星輝頒獎典禮2019一文看盡TVB大熱視后！李施嬅離巢無獎拎 惠英紅最有機？

　　《萬千星輝頒獎典禮2019》2020年1月12日舉行，今年多部劇集都令人難忘。《鐵探》嘅惠英紅搶Fo啲，定系李施嬅于《金宵大廈》令你印象深刻啲？另外出爐新加坡「星和」視后唐詩詠亦被視為大熱視后，到底人氣最強嘅民選視后又會系邊個？現在就來一文看盡今屆TVB的候選視后！

　　TVB 2019 大熱視后：《鐵探》惠英紅

　　多次封影后嘅「紅姐」惠英紅返公仔箱拍劇仍然瞓身，于《鐵探》出演為權斗上位，不惜犧牲囝囝嘅女強人，喪子嘅內心戲、與黑仔大斗演技嘅場口，甚至親身上陣嘅動作場面，幕幕成為城中熱話。

　　惠英紅奸到令網民肉緊大鬧又狂贊好戲，相信都系民選呼聲最高嘅視后！

　　紅姐演活貪權女強人一角，不惜犧牲愛子，令全城勁肉緊！

　　TVB 2019 大熱視后：《金宵大廈》李施嬅

　　今年話題劇集之一仲有故事奇幻嘅《金宵大廈》，離開大臺愈戰愈勇嘅李施嬅表現亮麗，同陳山聰前世今生嘅情緣令人關注外，宜古宜今嘅多個造型一樣吸睛，空姐與舞小姐Look都勁靚。

　　曾封微電影影后嘅佢多場感情戲演出精彩，大曬實力，唔系「親生女」都贏曬人氣！

　　Coco同「阿蕭」一段情成為城中熱話，李施嬅演出獲觀眾肯定！

　　TVB 2019 大熱視后：《白色強人》唐詩詠

　　唐詩詠于《白色強人》與好友兼緋聞男友馬國明合作，出演男方嘅醫生前妻，戲外常被指「友達以上」嘅兩人奉旨談情，上演多場韓劇式冧爆場面，相當養眼。

　　唐詩詠嘅演出獲網民大贊有進步，早前更率先獲封新加坡「星和」視后，先拔頭籌！

　　TVB 2019 大熱視后：《白色強人》李佳芯

　　曾被大臺力捧嘅李佳芯(Ali)最近雖然傳出被雪，不過人氣完全未受影響！Ali于《白色強人》演出患病醫生一角大獲好評，暗戀馬國明嘅有不少感情戲同面對大病嘅內心戲，拍劇愈見有實力，人靚之外，上位又毫不造作大牌，戲外仲關心社會，難怪穩守民選女神寶座！

　　李佳芯于劇中同樣又靚又叻，近年演出水準愈見穩定，獲網友支持！

　　TVB 2019 大熱視后：《她她她的少女時代》田蕊妮

　　離開大臺嘅女星不單有李施嬅，田蕊妮離巢前同樣交出水準作《她她她的少女時代》，演活失婚單親媽媽兼頹爆熟女角色，戲內戲外同樣鼓勵女性自主，殘爆師奶、浮夸女神同Fit爆拳手都做曬，仲有小鮮肉襯托。

　　劇情有笑有淚，獲得不少掌聲，雖然未必有機會于大臺封后，但相信都系民選心水之一！

　　田蕊妮于劇中演活失婚角色，母女情動人之外，脫胎換骨嘅場面亦相當勵志！

　　《多功能老婆》楊千嬅

　　楊千嬅主演近期熱播臺慶劇《多功能老婆》，久未現身公仔箱嘅佢同影圈拍檔黃浩然以及新手爸爸周柏豪合作。失婚角色相對新鮮之外，佢死追變心老公爆喊一幕亦大獲好評，佢同暖男「Oppa」周柏豪嘅感情線更有回響，不少網友急急追劇透，相信都幾有人氣！

　　千嬅首演失婚婦，角色相對新鮮之外，佢死追變心老公爆喊一幕亦大獲好評，佢同暖男「Oppa」周柏豪嘅感情線更有回響，不少網友急急追劇透。